Abulkan

From Asegzawal n Tutlayt Tamaziɣt

Abulkan (ibulkanen), volcan (fr) – volcano (en) - بركان


Ibulkanen

Sɣur Omar MOUFFOK

Abulkan d adrar i izemren ad yerkem, ad yeṭṭerḍeq yernu ad d-ifaḍ seg-s umenẓaẓ (aẓru yefsin). Llan mennaw n wanawen n yibulkanen yernu nezmer ad ten-naf deg wakk timnaḍin n umaḍal.

Abulkan yettlal-d mi ad d-yali umagma (aẓru yefsin yellan ddaw tmurt) ɣer tjumma n tegnit. Tajumma n tegnit iɣef nedder ttinin-as "iqcer." Iqcer-a yebḍa ɣef yigezzumen umi ttinin "tafilin". Tafilin-a zgant ttewliwilent. Tikkal, mi ad wliwlent tafilin, yettili yilem gar-asent. Ilem-nni d amagma i t-yettacaṛen yernu yettali-d arma d tajumma mani i d-yessalaɣ ibulkanen. Mi ad d-yeffeɣ umagma yellan ddaw tmurt ɣer nnig tmurt, ttinin-as "amenẓaẓ."

Mi d-yeffeɣ umenẓaẓ ɣer tjumma, yettismiḍ yernu yettɣar, yettuɣaḍ d aẓru. Akked wakud, mi ad yettembibbi umenẓaẓ-nni yernu yettɣar, ad d-yeg adrar.

Ibulkanen zemren ad ḍurren, am wakken daɣ i zemren ad nefεen. Mi ad yerkem ubulkan, yezmer ad yessedrem tiddar, tiẓegwa d tnigrin. Abulkanan yessuffuɣ-d daɣ iɣden d wurrigen i izemren ad sweεṛen asunfes. Maca iɣden n ubulkan zemren daɣ ad rren akal d agilal, yelha i tkerrazt.

Imassanen izerrwen ibulkanen d imesnakalen yernu ttinin-asen "imsenbulkanen." Imassanen-a ttarmen ad gzun mamek i tteddun yibulkanen, am wakken i ttarmen daɣ ad ẓren melmi ad rekmen. Sseqdacen ifecka d uzzigen am umseknezlaz akken ad kten tizlazin d-yettilin deg temnaḍt n ubulkan, am wakken i ketten daɣ urrigen i d-itteffɣen seg ubulkan. S waya i zemren ad faqen ma yella itteddu ibulkanen ad yerkem.

Abulkan d tumant tagamant tadusant i iderrwen deg umsal n Wakal iɣef nedder. Ulama zemren ad sdermen timdinin d ugama, maca ttilin daɣ d tamentilt i tlalit n tmeddurt tamaynut. Imassanen zerrwen ibulkanen akken ad d-yili uḥezzeb yernu ur ttenṭerrayen ara medden seg-sen. Daɣ, agzay n yibulkanen d ayen i yettaǧǧan imassanen ad gzun ugar amek i itteddu umtiweg-nneɣ.


https://asegzawal.miraheze.org/wiki/Abulkan


© Asegzawal n Tmaziɣt - Dictionnaire de tamazight - Tamazight Dictionary - قاموس الأمازيغية - Omar MOUFFOK