Ahil

From Asegzawal n Tutlayt Tamaziɣt

Ahil (ahilen), [1] programme (fr) – progam; schedule; curriculum, syllabus (en) - برنامج

Addad amaruz: wahil (wahilen).

Ahil adelsan – programme culturel (fr) – cultural program (en) – برنامج ثقافي

Ahil n usfukti – programme d’investissement (fr) – investment program (en) – برنامج استثماري


Ahil Anučči Anmaḍal (Takussna):

Ahil Anučči Anmaḍal d tuddsa tagraɣlant yeqqnen ɣer Yiɣlanen Yeddukklen, tettmahal akken ad tekkes laẓ deg umaḍal. D nettat i d tuddsa tamdanant tameqqrant akk deg umaḍal yernu d yiwet seg tuddsiwin timeqqranin akk i iḍemnen tiram n wučči i yimɣurbizen deg umaḍal. Ahil Anučči Anmaḍal zeddin-t-id deg 1961. Tasɣimt-nnes tusa-d deg Ṛuma (tamaneɣt n Ṭṭalyan) yernu ila tinariyin deg 80 (tamraw) n tmura deg umaḍal. Deg 2021, ahil-a yulel 128 n yimelyunen n yimdanen deg wugar n 120 n tmura d yigelluyen.

Tuddsa-a tessefrak ahil utrib n tuččit ideg tettafk tuččit i yimdanen yelluẓen deg umaḍal, am wakken i tettalel timura i terza temsalt deg tmeṣkiwt n tdumṣukin n tallalt d usefrek n tlujistit n usedger n tuččit. Tuddsa-a tsemmel daɣ ahilen n tɣellist tanmettit yernu tettalel imɣiwanen uṛhifen akken ur ttenṭerrayen ara seg unfal anezwan. Ahil Anučči Anmaḍal yettalel daɣ wid i terza temsalt s yidrimen d tsisiyin tisnajyanin.

Ahil Anučči Anmaḍal d agman aslekman n Tegrawt n Usnegmu Unzig n Yiɣlanen Yeddukklen. Ta d tagrawt n tsuda n Yiɣlanen Yeddukklen i yettmahalen akken ad ssiwḍent ɣer 17 n Yiswiyen n Usnegmu Unzig yernu iswi wis sin deg-sen d asiweḍ ɣer "usenger n laẓ" deg umaḍal seg-a ɣer 2030.

Ahil Anučči Anmaḍal yettunefk-as Warraz n Nobel n Talwit deg 2020 ɣef wussisen-nnes akken ad yessiweḍ tallalt ɣer temnaḍin n umyenkaf d umahil i iga akken ur yettwasseqdac ara wučči d amrig deg umgaru d umyenkaf.


© Asegzawal n Tmaziɣt - Omar MOUFFOK