Amesten

From Asegzawal n Tutlayt Tamaziɣt

Amesten (imestan), [1] protection (fr) – protection (en) - حماية

Addad amaruz: umesten (yimestan).



Amesten n Ugama

Sɣur Omar MOUFFOK

Agama d ayen i ilan azal ama i umdan, ama i uɣersiw d yimɣan. Amesten n ugama netta d asgugu n lmaḍerra fell-as. Yessefk ad nesseḥbiber ɣef tezdeg n ugama d thuski-nnes, imi ayen ad t-iḍurren yezmer ad aɣ-iḍurr ula d nekkni s yimdanen.

Tamezwarut, yessefk ad nbedd i yisekla. D nitni i aɣ-d-yettafken uksijin i nessunfus, yernu aṭas n yiɣersiwen i itteddren deg yisekla. Ur yessefk ara ad negzem isekla war ma neẓẓa isekla imaynuten. Tuẓut n yisekla d imek igerrzen i umesten n ugama. Iɣerbazen zemren ad ssuddsen yiwen n wass deg useggas mani ad awin ibalmuden ɣer ugama akken ad ẓẓun isekla. Aya ad yerr tamurt-nneɣ d tazegzawt yernu d tahuskayt ugar.

Tis snat, yessefk ad nesseḥbiber ɣef tezdeg n yisafen d yillan-nneɣ. Aman d inumasen i tmeddurt. Ma ulac aman, acemma ur ittedder. Mer ad nessemḍes aman-nneɣ, ad aḍnen ama d imdanen, ama d iɣersiwen. Ur yessefk ara akk ad nzelli tursaḍ ɣer yisafen d yilel. Nezmer ad nessuddus ussan mani ad neffeɣ ad nelqeḍ tursaḍ deg teftisin d yisafen.

Tis kraḍt, yessefk daɣ ad nesseḥbiber ɣef umesten n yiɣersiwen. Aṭas n yiɣersiwen i yettwaggzen s ungar acku imdanen ssedramen-asen inezdaɣ-nsen niɣ gemmren-ten. Nezmer ad nemmesten iɣersiwen-a s uzraε n tmussni fell-asen akken ad akin medden dakken ur yessefk ara ad asen-sxeṣren tawennaḍt mani ddren yernu ur yessefk ara ad ten-gemren.

Yessefk daɣ ad nessenqes asemḍes. Asemḍes netta d asimes n twennaḍt s tursaḍ, d asenɣel n tnegwa tikruranin deg-s d usuffeɣ n wurrigen yessamasen azwu. Akken ad nefru ugur n usemḍes, yessefk ad nessenqes aseqdec n tkeṛṛusin d useqdec n uplastik. Nezmer ad nessewnennes (ad nales ad nesseqdec) aplastik d yiferki. Nezmer daɣ ad ncuḥḥ i tetrist yernu ur tt-nesseqdac ara mi ur tt-nesri ara. Ɣef umedya, ur yessefk ara ad neǧǧ tisfiwin uɣent deg texxamt mani ur neqqim ara.

Deg tgara, amesten n ugama d taɣawsa ideg zemren ad derwen medden akk. Mi ad nemmesten isekla, aman d yiɣersiwen-nneɣ, ad neḍmen ad yeqqim ugama d azedgan. Mer ad nmahel akk ddukll, ad nessiweḍ ad nessizdeg tawennaḍt mani nedder yernu ad nesselhu hullan tameddurt-nneɣ.


https://asegzawal.miraheze.org/wiki/Amesten


© Asegzawal n Tmaziɣt - Omar MOUFFOK