Amrez (imerzan), [6] scie (fr) – saw (en) - منشار

Addad amaruz: umrez (yimerzan).


Amrez

Sɣur Omar MOUFFOK

Amrez d afecku i ilan tacfiṛt s teɣmas d ufus iseg ad tt-neṭṭef. Nesseqdac amrez akken ad negzem tinegwa akka am usɣar, amɣuz niɣ aplastik. Llan wanawen yemgerraden n yimerzan. Llan yimerzan n ufus, imerzan itrisanen d yimerzan n tsenselt.

Amrez n ufus d netta i yettwassnen akk. Mi ad tgezmed taɣawsa s umrez n ufus, yessefk ad tesqedced tadusi n yifassen-nnek akken ad tgezmed. Nesseqdac amrez n ufus i umahil amecṭuḥ am ugzam n yifurka n yisekla akken ad ten-nefres.

Imerzan itrisanen tteddun s tetrist. Amrez awinsan d anaw yettwassnen n yimerzan itrisanen. Amrez-a ila aḍebsi i ilan tiɣmas. Mi t-nessaɣ, ad yebdu uḍebsi-nni ad ittezzi s tɣawla tameqqrant yernu nezmer ad negzem yis-s tiɣawsiwin s tefses.

Amrez n tsenselt nesseqdac-it i yimahilen imeqqranen. Wa d amrez i ilan amutur akked tsenselt tga am tin n tesnasɣalt, maca tla tiɣmas d tumsidin. Amrez n tsenselt d adusan hullan yernu nesseqdac-it i ugzam n yisekla niɣ afras n yimudaɣ s tɣawla.

Imerzan d ifecka unfiεen. Ttallen-aneɣ ama deg yimahilen imecṭuḥen n usfusker i netteg deg taddart, ama deg yimahilen imeqqranen am tmeṣkiwt d ufras n tebḥirin.

https://asegzawal.miraheze.org/wiki/Amrez