Asemḍes

From Asegzawal n Tutlayt Tamaziɣt

Asemḍes (isemḍas), [2] pollution, action de polluer (fr) – pollution, act of polluting (en) - تلويث


Asemḍes

Sɣur Omar MOUFFOK

Asemḍes netta d asimes n uzwu, aman d wakal s tnegwa yettḍurrun. Aya yessamas tawennaḍt d umtiweg-nneɣ s umata, yernu yettḍurru iɣersiwen, imɣan d yimdanen. Llan mennaw n wanawen n usemḍes, gar-asen asemḍes n uzwu, asemḍes n waman d usemḍes n wakal.

Asemḍes n uzwu yettili-d s wawwu d wurrigen i d-ssuffuɣent tmacinin d tneɣraf yernu d aya i yessamasen azwu i nessunfus. Mi ad yames uzwu, yettuɣal yewɛeṛ ɣef yimdanen d yiɣersiwen ad ssunfsen. Aya yezmer daɣ ad d-yeg daɣ aṭṭanen am ubuneggaf. Ula d imɣan yettḍurru-ten usemḍes n uzwu. Ɣef umedya, isekla ur gemmun ara hullan mi ad yili uzwu d umḍis.

Asemḍes n waman yettḍurru iɣersiwen d yimɣan yeddren deg yisafen, igelmimen d yilel. Aya yettili-d mi ad zellin medden tursaḍ ɣer waman niɣ mi ad ssenɣalent tneɣraf tinegwa tikruranin ɣer yisafen d yillan. Asenɣel n upitṛul ɣer yilel d ugur niḍen yernu aya ineqq iselman d yimexluqen niḍen n yilel. Mi ad amsen waman, ad aḍnen ama d imdanen, ama d iɣersiwen. Nnig waya, imdanen ur zemmren ara ad redben deg yisafen, igelmimen d yillan yumsen.

Asemḍes n wakal yettili-d mi ad zellin yimdanen tursaḍ ɣer tegnit niɣ mi ad neɣlent tnegwa tikruranin deg wakal. Aya yettili-d daɣ mi ad zellin yimdanen aplastik d yimɣuzen ɣer wakal. Mi ad yemḍes wakal, aya yezmer ad iḍurr iɣersiwen yeddren deg wakal d yimɣan d-imeqqin deg-s. Aya yettcemmit daɣ tawennaḍt.

Llant aṭas n tarrayin i izemren ad ttwaḍefrent i usebded n usemḍes. Nezmer ad nessewnennes kra n tnegwa akka am yiferki d uplastik. Nezmer daɣ ad nessenqes aseqdec n uplastik, am wakken i yessefk ad nettzelli tursaḍ-nneɣ deg yideggen iwatan, maci deg ugama. Nezmer daɣ ad nessenqes aseqdec n tkeṛṛusin. Tineɣraf zemrent daɣ ad sneqsent asuffeɣ n wurrigen s useqdec n testayin.

Medden akk zemren ad derwen deg usizdeg n umtiweg-nneɣ. Ula d tigawin timecṭuḥin akk zemrent ad allent. Mer ad nmahel ddukkli, nezmer ad nesselhu tawennaḍt-nneɣ.

https://asegzawal.miraheze.org/wiki/Asem%E1%B8%8Des